E trahadonan di Parke Arikok tin un cantidad di cosnan cu nan ta bin cun’e. Atrobe pa falta di problema entre bestuur cu gobierno y vice versa. E hecho cu no tabata tin director, a trece cambio. Esaki aparentemente no ta funciona tampoco. Sra. Magaly Brito, lider di sindicato SEPPA ta amplia.
Pero loke a haci e situacion pio tabata momento cu e trahadonan ta dividi di otro. Y esaki ta pone cu e dunado di trabao ta dicidi, cu e no por keda traha cu dos grupo, pa cual e ta pone referendum pa sa cual lo ta e sindicato cu lo negocia un contrato colectivo pa e trahaodnan. Pa hopi aña, SEPPA ta atende cu e trahadonan di Parke. Tabata tin un tempo un rancamento aki aya, cual a pone cu mester a yega asina leu di un referendum. Pero, Sra. Brito ta sigui bisa, siman pasa ainda e trahaodnan a acerca SEPPA pa papia di kico ta spera e trahadonan cu e referendum, di kico lo por ta e consecuencianan. Pero na mes momento a indica di con nan tabata kier pa nan asuntonan wordo trata den futuro. Y esey ta pone cu un biaha mas e trahadonan ta respalda SEPPA.
SEPPA tambe a haya oportunidad pa mustra nan ariba cosnan cu a bay robes, y cu esaki ta e momento pa drecha esaki y pa sigui padilanti. Tur mal comprendemento ta keda atras y ta traha pa bay padilanti.
Sra. Brito a sigui bisa cu e situacion di añanan, ta un asunto di bezwaar cu tabata tin hopi tempo y esey ta tarda. Niun bezwaar ta dura di un dia pa otro, pero e ora ainda mester bisa cu e hecho cu e trahadonan di fundacion mester warda ariba Departamento di Recurso Humano pa trata nan asuntonan, y si pa ambtenaar ta tarda hopi, mescos cu trahadonan di fundacion.
E ultimo añanan a surgi e cambionan repentino den statutonan cu un directiva kier a bin cun’e, tin un diferencia ariba esaki, depende con cada grupo ta mir’e. E hecho cu mientras tanto a bin un directiva nobo, esey nan tambe kier mira pa tur e cosnan aki wordo clarifica y pa e trahadonan keda cla. Esaki ta pa Parke tambe mira adelantonan, y esey ta haci cu partidonan cada uno por yega na otro facilmente.
E prome cu e trahadonan a trece padilanti pa wordo trata ta pa recorda tur hende, den e caso aki, e directiva aki. E trahadonan aki anteriormente tabata cay bou di LVV, nan a bay over na Parke cu’n protocol cu tur nan derechonan ta wordo respeta. Un constante discuscion, for di gobierno anterior pa awo, toch tin intentonan pa kibra e areglo di subsidio pa e trahadonan. Y esaki ta algo cu e trahadonan kier pa sigui lucha pe y asina garantisa cu tur nan derechonan ta wrodo garatnisa den un contrato colectivo. Pero tambe cualkier directiva cu ta representa e dunado di trabao, cu e no ta bay over sin mas. A base di esey, cu no ta solamente un cantidad di placa ta duna cada fundacion y esey cu tur e risico cu e derechonan ta wordo garantisa den e contrato di trabao, segun Sra. Magaly Brito, lider di sindicato SEPPA.