Mirando cu tin mas di 800 caso sospechoso di dengue y zika GKMB ta tumando esaki na serio, pa cual Sr. Clyton Croes di GKMB ta splica mas dii e pasonan cu tumando luga e dianan aki.
Ta un situacion cu GKMB tin hopi atencion ariba dje y e ta pone GKMB den estado di alerta. Atrobe, Sr. Croes ta enfatiza cu no ta importa ki tipo di rash e persona haya, pero e notificacion ta importante. Tur esaki ta encera cu e tur e trabaonan cu ta wordo haci ta dedica na e 800 casonan aki. E ta rekeri un trabao di logistica grandisimo pa loke ta trabao, ya cu trabaonan rutinario mester wordo poni un banda. Desde siman pasa caba a cuminsa cu fumigacion , pa combati e criadero di sangura.
GKMB no ta trahando cu casonan di confirmacion, pero puro riba notificacion, esaki ta un tarea hopi grandi. E casonan sospechoso ta dunanan hopi prioridad, barionan di prioridad, unda cu a base di Departamento di Epidemologia, cu ta duna data unda tin casonan di notificacion pa casonan di sospecho di dengue, zika of chikinguya, cu ta parcialmente ta wordo notifica di e dokter di cas, e sintomanan di e tan conoci “rash fever” cu tabata tin hopi hende cu dificultad cu e situacion pa notifica esaki debidamente y haya confirmacion. Pero pa GKMB, segun Sr. Croes, esaki no ta importante. E adres ta importante. Si nan haya notificacion parti mainta, dentro di 24 ora e parti fumigacion ta wordo hasi. Hopi biaha esaki ta wordo haci den forma preventivo.
Casonan confirma ta sigui subi y notificacionnan ta sigui drenta na GKMB, cu ta dunanan e tarea y indicacion unda e tareaann preventivo mester wordo haci. Awa lo sigui yobe, y ta haci un suplica na e pueblo en general, pa e parti di conscientisacion cu ta duna henter aña largo, e conocimento cu e inspectornan di GKMB ta wordo aplica tambe. E simpel control, un biaha rond di bo cas ta baha e posibilidad di criadero di e sangura cu ta transmiti e malesa di dengue, zika of chikinguya.
Traha hunto cu bisiñanan pa asina hunto elimina criaderonan di sangura cu por trece malesanan contagioso pa cu hende.
Sr Croes ta sigui splica cu nan ta trahando oranan extra pa por tuma un bon accion rond Aruba pa asina ataka tur caso y purba di yega na tur cas pa hasi control. Atrobe casonan di notificacion ta sigui drenta y nan ta sigui atendenan na e manera prescribi y basa ariba voorschriften duna na nan segun normanan internacional.
Ta haci un suplica na e pueblo pa keda haci control rond di cas, y basa ariba datona epidemologico e datonan mas afecta ta San Nicolas, y fumigacion ta sigui tambe na San Nicolas. Pero poco poco e casonan ta sigui subi y ta biniendo abao. Tur esaki ta verspreid full ariba e isla y controlnan preventivo durante ta basa ariba e isla y e concentracion ta dirigi for di Noord te cu San Nicolas. E parti atardi si ta bay mas poco poco, ta pasa Savaneta, Pos Chikito yega Santa Cruz. Y poco poco lo cubri full e isla.
GKMB ta mirando e posibilidad cu trabao di un aña aki, cua dura un siman, a dura GKMB tres siman aña pasa, pero esaki tin su costonan cun’e. Traha oranan extra, extra makinaria y extra insecticida. Y tur eseynan tin su prijs.
Sr. Croes ta splica cu ta dificil pa bisa cu tin un epidemia, aunke e cifranan ta halto. Una bes esaki wordo haci publico di parti di Departamento di Epidemiologia, pero ta esencial e cooperacion di pueblo, cu mester sigui e recomedacionnan. Proteha bo famia, y hendenan cu ta cerca dibo pa malesanan manera dengue, chikinguya of zika, Sr. Clyton Croes, di GKMB a finalisa bisando.