Internacinoal: Alrededor di 12 ora despues di a cera su mes na Merca, TikTok ta bek pa hopi usuario casi manera e no a sali nunca, atribuyendo su regreso na un movemento di e presidente eligi Donald Trump pa salba e app.
TikTok a yama usuarionan bon bini bek cu un notificacion cu a bisa: “Danki pa boso pasenshi y sosten. Como resultado di e esfuersonan di Presidente Trump, TikTok ta bek na Merca!”
E movemento di whiplash pa trece e app bek ta bini despues cu TikTok a bira inutilisabel pa mericanonan diasabra anochi laat. Usuarionan cu a purba habri e app e ayera un mensahe bisando cu e tabata offline y pidiendo usuarionan pa “keda pendiente.”
“Den acuerdo cu nos dunadonan di servicio, TikTok ta den proceso di restora servicio. Nos ta gradici Presidente Trump pa duna e claridad y siguransa necesario na nos dunadonan di servicio cu nan lo no enfrenta ningun castigo dunando TikTok na mas cu 170 miyon mericano y permitiendo mas cu 7 miyon negoshi chikito prospera,” e compania a bisa den un declaracion. “Nos lo traha cu presidente Trump riba un solucion a largo plaso cu ta tene TikTok na Merca.”
Ta spera cu e CEO di TikTok Shou Chew lo asisti na e “Make America Great Again Victory Rally” di Trump na Washington, DC, diadomingo anochi, prome cu e ta sinta prominentemente na e inauguracion di e presidente nobo dialuna.