Internacional: TikTok a bisa diabierna cu lo desactiva acceso na e popular app di video pa mas di 170 miyon Mericano diadomingo a menos cu e administracion di presidente Joe Biden actua urgentemente pa sigura e compania cu e lo no wordo castiga pa viola e condicionnan di e acuerdo cu su inminente prohibicion.
Corte Supremo a permiti un prohibicion controversial keda. Biden a firma e proyecto di ley na april, cu a pasa cu sosten fuerte di dos partido den congreso. E ley ta rekeri pa TikTok bende su mes na cumpradonan mericano pa diadomingo of enfrenta un prohibicion na Merca.
Pero e administracion di Biden a señala cu e lo laga e ehecucion di e prohibicion na presidente eligi Donald Trump, kende ta tuma oficina dialuna, y TikTok a bisa cu esey no tabata suficiente.
Trump a sugeri, pero no a declara explicadamente, cu e lo no enforsa e prohibicion. El a pidi Korte Supremo pa pone e proyecto di ley na warda pa su siguiente administracion por negosha un acuerdo pa bende TikTok na cumpradonan mericano. Sinembargo, Corte Supremo a rechasa un apelacion di e doñonan di e app cu a afirma cu e prohibicion a viola e Prome Amiendan, permitiendo e prohibicion pa sigui.