UTTAR PRADESH – Den parti nort di India dos tiger a mata y come parcialmente shete hende. Esaki ta segun e corant The Times of India.
Un tiger cu lo a mata seis hende den e estado Uttar Pradesh, mientras tanto a wordo verdoofd y poni den un dierentuin. No mucho despues, un muhe a wordo ataca y mata pa un otro tiger. E muhe no a mantene su mes na regla door di a bay cana den un reservacion di tigernan protehi.
Segun autoridadnan, esaki no tabata culpa di e tiger. Pesey no mester bay jaag riba dje. Pero segun habitantenan di e region Gobierno ta haciendo demasiado poco pa protehe e habitantenan.
Na India ta biba rond di 2200 tiger. Mayoria biaha nan ta ataca hende solamente si nan bin den nan teritorio. Tigernan ta ataca hende mayoria parti di patras. Pesey hopi biaha nan ta bisti un masker patras di nan cabes.
Fuente: De Telegraaf