E balans di morto ocasiona dor di e potento tifon cu a dal Filipinas riba Dia di Pasco a subi na 41, asina autoridadnan a duna di conoce, mientras cu miles di persona a wordo evacua. E tifon “Phanfone” a bandona Filipinas Diasabra pasa despues di a permanece riba e islanan di Bisayas, incluyendo algun sitio popular turistico. Anteriormente e balans di morto tatbata di 28 morto. Entre e mortonan, tin tres miembro di tripulacion di un barco cu a bolter debi na e bientonan fuerte, un polis cu a muri electrocuta y un homber cu un troncon di mata a cai riba dje.
Autoridadnan ta sigui busca 12 persona desapareci ainda. Segun ultimo informe di e agencia nacional di catastrofe, 1.6 miyon persona a keda afecta dor di e tifon, cu a causa daño na 260 mil cas y a forza miles y miles di habitante traslada nan mes pa refugionan di emergencia. “Phanfone” localmente yama “Ursula” ta e tifon number 21 cu ta yega Filipinas den 2019. Generalmente e tormentanan aki ta destrui cosechanan y casnan, afectando gravemente e infastructura y condena miles di persona den pobresa parmanente.