Thijsen: ‘2021 lo ta un aña hopi determinante y crucial pa nos pais’

Presidente di Parlamento, Ady Thijsen durante un conferencia di prensa diamars merdia a toca riba algun tema y resumen di aña. “Nos a cuminsa 2020 cu hopi positivismo pasobra cu nos a Sali pa trata un presupuesto cu un surplus di 46 miyon florin, y esey ta pusha nos tambe unda finansas, economia y parti social ta cuminsa drecha, nos tabata hopi positivo, pero e pandemia aki a bini cu varios consecuencia pa nos,” segun sr. Thijsen ta expresa.

E presidente a toca diferente punto, entre otro riba e percepcion cu Aruba ta e unico cu no tin Ombudsman, pero e ta splica cu den e caso aki a bin un retraso pasobra ora cu na 2017 e ley aki tabata cla pa wordo trata, parlamento a escohe – den cuadro di fortificacion di estado di derecho – pa lanta comision pa tur cos wordo trata den un manera paralel cu otro pa tur cos keda cla. Na juni 2021 e Ombudsman t’ey pa cuminsa traha di biaha na unda cu e ley aki finalmente lo keda completamente implementa.

2021 lo ta un aña hopi crucial y determinante pa nos pais segun sr. Thijsen, unda cu gobierno y parlamento tambe tin su rol. Thijsen: “Nos tur sa cu e lo ta un aña di eleccion, y cu Covid19 ainda t’ey y no lo bay, anto ta nos mester ta consciente riba con nos ta tuma decision.”

Na cumisamento di 2021 lo inicia dia 6 y 7 caba cu reunionnan IPKO [Interparlementair Koninkrijksoverleg] cu tur parlamentonan den Reino. Aruba mester a ta huesped e aña aki pero no lo por haci e fisicamente, e ta bay bira na un manera virual anto un di e topiconan crucial lo bira e rijkswetten.

Comments

comments