Despues cu sindicato STA a sali bisa cu’n bus e disparce for di Arubus, paso no tin un bon maneho nos a acerca Sr. Teo Croes, director di Arubus pa haya su banda di medaya riba e bus cu no t’ey mas y riba su maneho di Arubus.
Sr. Croes a splica cu Sr. de Cuba cada biaha ta inventa storianan, cu no ta klop. Desde cu el a cuminsa na Arubus, tin varios bus cu a wordo elimina. Ta busnan cu no ta core mas, tin 4 cu a wordo corta chikito chikito door di Daltra y a wordo bendi como hero bieuw. Tambe tin otro varios busnan cu a wordo desmantela, y uza na diferente manera.
Director di Arubus ta puntra Sr. de Cuba, ta kico el a haci’e. Unico cos cu el a nenga Sr. de Cuba, tabata e placa di contribucion di e trahadonan, pa haya e placa na cash, cual no ta correcto.
Varios biaha Sr. de Cuba, ta menciona cu e ta busca cabes di Sr. Croes, den un carta pa minister el a menciona di mal maneho. El a invita Sr. de Cuba, pa bin Arubus, pa bin wak tur documento, cu ta habri p’e, pa e wak. Si e no ta compronde of e no ta lesa bon, e por bin cu’n hende cu ta splik’e locual ta scirbi. Sr. Croes a sigui bisa, cu cada biaha e ta papia di fraude, cu mester di onderzoek, pa e bay Ministerio Publico, manera ta su deber como ciudadano y como sindicato. Dus, e ta pidi Sr. de Cuba pa bay duna keho na Ministerio Publico, sali for di e cos aki.
Sr. Theo Croes ta haya jammer cu Sr. de Cuba ta keda ataca asina enbes di ataca e puntonan manera cu mester ta. Sr. Croes a splica cu Sr. de Cuba ta papia over di schalering, y nan a sinta cu Sr. de Cuba, tocante esaki. Tambe Sr. Croes a bisa cu el a tende cu Sr. de Cuba ta papia over di Deloitte, caminda cu nan a bay Deloitte. Pero no por paga pa un rapport di 250 mil florin, ya cu no tin placa pa esaki.
Un sindicato mester bringa pa interesnan di e trahado, pero tambe pa e continuidad di e compania, pa e por tin su trabao, a lo largo. Tambe Sr. de Cuba a papia over di accion, e kier a welga over di schalering, over di e busnan ta malo. Ora cu mester a bin traha bek, e kier a welga over di rijvergunning. Sr. de Cuba tin un problema serio, e no ta cumpli cu su miembronan. Ora pasa lunanan , ora cu miembronan coy su lomba, e ta core bay welga. E ta haci mercadeo, pero e ta laga tur e companianan na caya. Aruparking, tambe mescos. El a tuma nan placa pero e no a cumpli cu nan. Tin un caso bieuw di SATA, AGS na airport. Kico el a haci cu e trahadonan cu te awe nan no por haya un CAO. atro
Atrobe Sr. de Cuba ta busca algo cu no mester. Cada biaha e ta bay contra di Sr. Croes a base personal. Si nan dos por haci nan trabao hunto, lo ta mucho mas miho
Den caso di Arubus, durante negociacion, a bisa Sr. de Cuba, cu no tin espacio pa indexering y el a bisa cu e ta compronde. Y e mes a bay bisa e trahadonan, cu el a wak otro cos cu ta e situacion di APFA. Arubus a reuni cu APFA, ya cu nan ta bou di impresion cu e ta nifica un aumento pa e trahadonan. Cu nan lo wordo paga al o menos. Despues di un negociacion mas profundo, a bin sali nan cla, cu no ta e cantidad cu el a menciona. El a bisa cu e mes lo papia cu APFA< cual a sosode.
Sr. de Cuba a declara y Sr. Croes tin’e graba, cu e empleadoann lo bay dilanti cu 3.8% pa 4%. Kico a pasa? E empleadonan no a hay’e. Sr. de Cuba ta pone Arubus den un mal posicion, pa algo cu Sr. de Cuba mes a crea. Sr. de Cuba mester ta honesto, mester ta husto.
Por ultimo, Sr. Croes a bisa cu Sr. Diego de Cuba ta manipula e empleadonan y pone nan haci cosnnan cu nan no mester haci.