Recientemente un delegacion di S.V. RCA tabata na San Pedro Paviljoen na Playa pa honra Sr. Theo Bernabela c’un bishita.
Sr. Theo Bernabela durante su trayectorio como futbolista a forma parti di e oncena Tricolor pa hopi aña, ganando varios titulo campeon di Aruba.
Tambe Sr. Theo Bernabela a milita den e ekipo di RCA cu a logra e titulo di Copa Campeon Antiano na aña 1966. Presidente di SV RCA Sr. Ditto Acosta a haci entrega di e plakkaat cu e mensahe di gradicimento. Presente tambe tawata yui muhe di Theo, miembronan di honor di RCA Sr. Edwin Dirksz y Sr. John Merryweather, Vice Presidente S.V. RCA Sr. Albert Fowler, miembro di directiva Sr. Enrique Gomes y ex compañero di Theo den ekipo tricolor Sr. Cadochi Kock.