The Washington post a acusa Partido Democrata di a pasa gran parti di e campaña electoral di e aña aki ‘hincando nan cabes den santo” y ignorando “e preocupacion di e Mericanonan riba e edad y e “agudeza” mental di presidente Biden.”
“Na luga di atende e problema, e bosnan mas influyente a present’e como un exageracion mediatico,” e corant a afirma despues di e prome debate entre Jose Biden y Donald Trump,di cual e candidato Republicano a sali como e ganado.
Sinembargo, “e actuacion disperso ocasionalmente incoherente y casi universalmente critica” di e actual mandatario a pone e alarmanan zona na nivel generalisa, hasta entre su partidarionan y trece e posibilidad pa designa otro candidato p’e carera electoral.
Laga Biden sigui representa su partido na november “solamente lo dañ’e ainda mas, pasobra un grupo di aliado lo a bisa, implicito of explicitamente, cu e no ta na altura di e trabao,” e articulo a señala.
Den e contexto aki, e medio a nombra dies posibel candidato di e Partido Democrata cu por reemplasa Biden:
Vice-presidente di Merca, Kamala Harris
Gobernador di Míchigan, Gretchen Whitmer
Secretario di Transporte di Merca, Pete Buttigieg
Gobernador di Pennsylvania, Josh Shapiro
Gobernador di Colorado, Jared Polis
Gobernador di California, Gavin Newsom
Senador di Georgia Rafael G. Warnock
Ex-prome dama di Merca, Michelle Obama
Senador di Minnesota Amy Klobuchar
Gobernador di Kentucky, Andy Beshear
Describiendo e bentaha y e inconvenientenan di cada uno, e corant a resalta cu e problema di Harris ta cu e ta “mesun popular cu Biden,” mientras cu Gretchen Whitmer “ta combina ta un alternativa realmente plausibel cu un aspecto casi ideal riba papel.”
En cuanto Pete Buttigieg, e tin poco aprobacion entre cierto grupo di e poblacion y Josh Shapiro, a pesar di ta na agrado di “mas di 3 di cada 10 partidario di Trump”, ta wordo considera den gran parti como un opcion pa 2028.
Michelle Obama “parce lo tabata e alternativa ideal pa hopi, pero tambe parce cu ta poco probabel cu e presenta.” Fuera di esey, a reporta tension entre e y e ekipo di campaña electoral di Biden
Fracaso di e debate
Di acuerdo cu un encuesta di CNN, 67% di e televidentenan cu a mira e debate, ta kere cu Trump a supera Biden. Den su contestanan durante e evento, den cual e mandatario a trompica na varios ocasion ora di papia y a keda paralisa pa algun momento, mirando den bashi. Fuera di esey, e personanan cu a sigui e debate online a ripara cu a penas e tabata kinipi wowo.
No obstante, e ekipo di campaña di Joe Biden a sigura cu e lo sigui cu e carera presidencial, a pesar di e resultadonan poco faborabel cu el a obtene den e debate.