Thanksgiving Day ta un celebracion cristian cu a cuminsa na Merca y Canada y despues a expande den henter mundo. E dia di Thanksgiving ta pa gradici pa cosecha, reuni famia pa difruta y hunto nan ta prepara e cena mas grandi di aña cu ta e famoso Turkey horna of hasa cual ta e cuminda tipico y esun principal pa e celebracion aki.
Tambe organisacionnan caricativo ta ofrece cuminda na personanan den situacionnan dificil manera hendenan bandona, sin un dak y esnan ariba caya. Tiendanan di ofertanan y ariba e dia siguiente e promocionnan ta hopi mas atractivo ainda cu ta haci cu hopi hende ta bay para den rijnan largo di madruga pa por haci nan compras.
Na Merca, Thanksgiving ta wordo celebra e di cuater diahuebs di november. Esaki a wordo proclama como dia di fiesta dor di Abraham Lincoln.
Na Canada e ta wordo celebra e di dos dialuna di luna di oktober y na Brasil e dia di Thankgiving a haya su dia na aña 1966 den ley constucional y esaki ta refleha den e LEY 5110. Mescos cu Merca tambe ta celebre e dia cuater diahuebs di luna di november.
Na Aruba e dia aki no ta mara den Ley pero si hopi famia ta haci uso dine significado di e dia aki pa celebra den famia y amistadnan sercano. E ta un fiesta di gradicimento, e no ta parti di nos cultura pero si un bunita momento cu hunto, na trabou, den famia y cu nos amistadnan cercano nos por refleha ariba e cosnan bunita di bida y ta agradecido pa cada cos cu nos tin den nos bida.