Luis Gonzalez ta Kitchen Manager di TGI Friday’s, y nan a lanza nan menu nobo. Nan ta buscando pa haci e menu un tiki mas atractivo, mas saludabel. A pone un tiki menos producto, pero ta haciendo enfasis den productonan saludabel.
Gonzalez a splica cu awor tin sides manera couscous, Ginoa, cierto productonan manera Ajituna, pa hendenan cu gusta cumindanan mas saludabel y no tur cos hasa. Igual e menu, caminda e dollar ta wordo renoba na florin. Tur plato cu ta bin nobo casi tur ta bin na florin. En total di 9 item nobo. Di e 9 item 4 di nan ta di salmou. Tin un pasta cu specerij y salmou.
Tambe nan tin un sauce di pomegranate, couscous y un sauce di ginger. Tambe nan tin salmou cu sauce riba base di yoghurt cu comcomber y igual ta renoba tambe aparte di steaks, ta poniendo ribeye pa esnan cu ta gusta come carni. Tambe a pone enfasis riba dessert. Ta poniendo menos item, pero productonan di miho calidad cu hendenan por gusta hopi.
E menu aki ta pa un tempo largo, aproximadamente pa 1 aña. Igual ta bay teniendo otro promosion cu ta bay tin pa fin di aña. Na e momentonan aki ta bay cuminsa cu Eat Local.
Segun Gonzalez hopi hende a bin ta pidi nan pa bin cu productonan Gluten Free. tambe si hende kier un hamburger, un pan, sin Gluten, TGI Friday’s tin e productonan ey. Tin un menu special pa esnan cu tin problema di Gluten y tambe Lactose. Y si tin hende cu kier tur cos hasa. Cu nan kier productonan na grill, mas pisca. Pa esey ta haci e cambio aki. E menu ta un tiki mas chikito, pero tin mas opcion riba productonan saludabel.
Chef Robert ta coach manager pa TGI Friday’s. El a splica cu TGI Friday’s ta enfoca awor aki pa haci e reingenieria di e menu, treciendo menunan saludabel. Hunto cu e grupo di calidad di TGI Friday’s a bay over pa haci cambio di menu y den esey tambe a bin aden e iniciativa cu tin localmente na Aruba, cu ta e luna di Eat Local. Eat Local ta un evento pa varios restaurant na Aruba. TGI Friday’s ta forma parti di dje y como miembro di Eat Local ta ofreciendo pa lunch cu tin tres entrees. Grouper Crioyo, Chicken Fried y Fried Shrimp. E ta bin cu dos escogencia di appetizer pa solamente $15. Esaki ta for di ora nan habri te cu 5’or di atardi. Esaki ta algo cu hopi hende lo bay gust’e pa motibo di e prijs y cu e ta platonan crioyo. Nan sa cu ta algo local y ta warda tur hende pa bin disfruta di dje, pasobra e prijs ta fabuloso. Por bin y pidi esey. Esey ta pa henter e luna di October. Esaki ta e luna di Eat Local. TGI Friday’s ta invita tur su clientenan pa pasa disfruta di e menu nobo na e restaurant y tambe e Eat Local cu nan ta aden tambe.