Internacional: Ta Oficial: Texas Rangers ta hunga contra Arizona Diamondbacks den e Serie Mundial.
Arizona Diamondbacks ta gana Phillies, nan lo enfrenta Texas Rangers den Serie Mundial
Diamondbacks a gana e pennant di Liga Nacional den wega 7 ariba diamars pa yega na e campeonato pa prome biaha den mas cu 20 aña.
Pa e prome biaha den mas cu 20 aña, Arizona Diamondbacks ta caminda pa e Serie Mundial.
Arizona a bati Philadelphia Phillies 4-2 na Citizens Bank Park na Philadelphia den wega nr. 7 pa gana nan biaha na e evento prominente den Major League Baseball.
Diamondbacks lo enfrenta Texas Rangers, cu a bati Houston Astros Dialuna pa gana e pennant di Liga Mericano y asina nan entrada den e Serie Mundial.
Pitcher inicial di Diamondbacks, Brandon Pfaadt, a logra shete ponche y a permiti cuater hits y dos carera durante e cuatro inning cu el a picha. E siguiente cinco pitchers a permiti solamente un hit y cero carera hunto.
Corbin Carroll di Arizona a conecta tres hits den cuater turno, cu dos carera anota y dos carera impulsá.
Pitcher inicial di Phillies, Ranger Suarez, a permiti seis hits y tres carera, y el a logra seis ponche durante cuater inning. Un bola di sacrificio di Carroll contra pitcher Jose Alvarado den e di shete inning a pone Arizona dilanti 4-2.
Ultimo biaha cu Diamondbacks a yega na e Serie Mundial tabata na 2001, ora nan a bati New York Yankees. Esaki a sosode solamente tres aña despues cu nan a cuminsa como un ekipo di ekspansion na 1998.