EDMONTON, Canada – Ora cu polisnan a purba stopnan, e grupo a mustra “un forsa extremo” pasobra cu nan tabata pensa cu e polisnan tabata “monsternan cu lo matanan”, e documento hudicial a señala.
Cinco persona (cuater di nan, sunu) a wordo deteni pa secuestro na november aña pasa na Edmonton, provincia Canades di Alberta, tabata testigonan di Jehova cu a pensa cu Armaggeadon a yega.
Un documento hudicial obteni dor di CBC, ta revela cu e hechonan a cuminsa varios dia prome, ora cu’n muhe a hiba su dos yiunan adolescente pa e cas di su sobrino di 27 aña y di su casa, di 30, situa na e localidad di Leduc.
Segun e texto, durante e siguiente tres dianan, e cinco personanan aki no a sali di e cas y apenas a come.
Testigonan di Jehova a pensa cu e Gran Tribulacion, cu ta e periodo di sufrimento, cu segun bijbel, ta anuncia e di dos binida di Cristo.
“Nan a kere cu nan tabata core peliger, sea door di personanan mal hende riba caya of pa demoñonan”, segu e documento hudicial, “ y, na un dado mometo, a marcha lihe lihe for di luga pa busca un luga sigur. Nan tabata asina pura cu nan no a logra bisti, excepto e mama di e adolescentenan.
‘Salba’ e bisiñanan
E cinco personanan aki a subi un truck cu e mama na wiel, pero ora cu nan a sali fi e garashi nan a dicidi di “salba” e bisiñanan, un homber, su yiu muhe y yiu di esaki di 6 siman.
Nan a wordo saca forsa di nan cas y hiba sin sapato te na e auto, den sneeuw. E homber a wordo poni den e bahul y a dun’ e ordo pa canta “Jehova” dies biaha. E mama a core riba e highway cu full speed, pasa den lus cora mientras cu e otronan tabata canta “Jehova” un y otro biaha.
Ora el a baha velocidad e secuestradonan a logra scapa den un descuido y a subi un truck cu tabata pasando e momento ey. Despues di esaki, e muhe a dal e truck di patras, pero solamente a logra cu su mesun auto a cay den un rooi.
“Monster”
Polis a yega na e luga di accidente y a haya e testigonan di Jehova sunu. E grupo a mustra “forsa extremo” y a nenga di bandona e auto. Un di e adolescentenan a pensa cu e polisnan tabata “monsternan cu lo matanan”, e informe ta bisa.
E oficialnan di polis a supone cu e personana aki tabata bou influencia di alcohol of droga.