E prueba di DNA cu e Brasilero Maria do Socorro a haci pa ta reconoci como yiu di e legendario futbolista Pele, casi un aña morto, a sali negativo, abogado di e viuda di e deportista a confirma n’e website di noticia G1.
E representante di Marcia Aoki, Luiz Kignel, a confirma cu e resultado di e prueba, haci hunto cu e yiunan di e hungado, a wordo presenta na corte.
“A haci e analisis den un laboratorio priva, pa facilita cos. Como cu e proceso a transcuri den e husticia gratuito, e designacion di e analisis di laboratorio lo a tuma hopi mas tempo. E ora, e mesun famia a ofrece pa paga e examen den un laboratorio y a sali negativo,” el a aplica.
Poco sa di Maria do Socorro. Su existencia a wordo divulga publicamente na maart, ora cu a revela parti di e testament di ‘O Rei’, e unico futbolista tricampeon mundial (1958, 1962, 1970) y a considera pa hopi, e miho hungado di historia.
Den e documento, Pele, fayeci dia 29 di december 2022 na Sao Paulo na edad di 82 aña, victima di un cancer, a indica di e posibilidad cu lo tin un otro yiu muhe, cu lo tin derecho pa ricibi parti di e 70% di su patrimonio, pa wordo reparti entre su otro shete yiunan.
RESULTADO EXTREMAMENTE SIGUR
E muhe, kende a habri un proceso judicial, tin derecho na un contraprueba, pero si e dicidi di acepta e resultado aki, e lo keda afo di e repartimento di e herencia.
“Pero ta algun examen extremadamente sigur. Ta un derecho cu e tin. Nos ta bay warda,” e abogado a bisa G1.
E 30% di e restante ta pa Aoki, e ultimo casa di Pele, como hungado a laga sa den e testament.
Fortuna di e strea di e team Brasileño Santos y e Mericano Cosmos, tabata balora, segun prensa Brasileño, na 78 miyon real (cerca di 16 miyon dollar), un cifra cu e famia no a confirma.