Tesla tabata tin perdidanan di 675 miyon dollar den e ultimo trimester di 2017, según informenan publica. Despues di esaki e accionnan di e compania di Elon Musk a sufri un caida di 1.4%, según Reuters ta informa.
E perdida aki ta un record pa e compania. Durante e ultimo trimester di 2016, e perdidanan di e compania a subi te na 121 miyon dollar. Tesla a atribui e perdidanna aki na e inversionnan grandi haci den e desaroyo di e produccion di e auto electrico sedan Tesla Model 3.
Diamars ultimo tambe, e super raket Falcon Heavy a despega di Cape Cañaveral (Florida), cu’n auto electrico Tesla abordo, color cora, den cual tabata tin un mannequin sinta.
E raket cu a compelta su prome vuelo di demostracion, ta e di dos mas poderoso den historia despues di e Saturn V di NASA.
Musk a informa cu e vehiculo a sobrepasa e orbita di e planeta cora y a sigui te na e faha di asteroidnan entre Marte y Jupiter.
Fuente: https://www.reuters.com/