Tesla ta retira 9% di su empleadonan

0
RBC Juli 2018
Funmiles-2018

CALIFORNIA, Merca – E compania Mericano fabricante di autonan electrico, Tesla, ta cuminsa na reduci 9% di su empleadonan, segun Bloomberg. E mayoria di e personanan retira tabata trahadonan directo di e compania. Actualmente e compania ta conta cu 46 mil trahado. Esaki lo kiermen cu e total di personanan retira lo ta rond di 4100.
Di mes manera, Bloomberg a informa cu casi tur e recortenan aplica pa e compania ta den e departamento di asemblahe. Sin embargo, e compania ta confia den su capacidad pa alcansa su metanan fiha pa produci e auto ‘Model 3’ durante e siguiente lunanan. E modelo tin un balor di 35 mil dollar, y por wordo bestel via internet. Ta ser spera cu e entrega lo ta na comienso di 2019, aunke cu ya caba esaki a cuminsa na Canada y Merca.
Den un texto interno di e empresario Elon Musk, publica ariba su cuenta di Twitter, e ta afirma cu e medida ta ‘dificl pero necesario’. Di mes manera, e director ehecutivo a declara cu e duplicacion di rolnan den e proceso di produccion ta genera mas puesto di trabao cu no por wordo hustifica.
“El a enfatiza tambe cu nos ta tumando un decision awo pa nunca mas nos mester haci’e”, Musk a scirbi. Did otro banda, e ta agrega cu e siman aki e directiva lo anuncia kende ta esunnan cu a wordo kita for di trabao y ta enfatiza cu e determinacion a wordo resolvi “evaluando e criticidad di cada posicion, aunke cu cierto trabaonan por wordo realisa di manera mas eficiente y productivo’. Ademas, a considera e ‘habildad y habilidad specifico di cada individuo’.
Mester menciona cu e accionnan di Tesla a subi cu 4.5% riba e NYE, despues di cu e noticia a bira conoci. E intencion actual di Musk ta di produci 5 mil auto di e modelo nobo den solamente un siman, na final di juni.

Comments

comments

C: Heineken
new india