No menos cu tres truck di combati candela mester a uza pa domina un candela cu a lanta cabes awe tardi un poco despues di 3’or.
Habitantenan cerca di e tereno a bati alarma y yen di susto a cuminsa saca slang pa muha rond di nan cas pa evita cu e vlamnan di candela por yega cerca. Mas ainda pasobra e yerbanan ta hopi seco.
Bomberonan cu a yega cerca mesora a cuminsa combati e candela aki den un cunucu na Kadushi Largo. A manda pidi mas vehiculo y despues un di nan mester a bay busca mas awa. Tabata trata di un tereno basta grandi y hustamente door di e yerba seco, e ta plama mas lihe.
Danki na actuacion rapido, e no a yega cerca di ningun cas.
Awe diferente biaha Bomberonan mester a sali pa casonan di candela, inclusive un auto cu a keda pega candela den careda.
