For di aña pasa cu investigacion a cuminsa pa loke ta bendemento di tereno bou maneho di ex minister encarga cu infrastructura sr Sevinger, mester bisa cu hopi hende a cuminsa canta manera cantante di Soca.
Hopi a duna tur detaye na investigadornan cu awo ya suspension a cuminsa cay den e departamento aki no por descarta cu si sali na cla cu tabata tin fiesta y cu OM cuminsa cu un ora pa otro cu detencion. Tereno Gate lo bay spanta comunidad ora hopi cos sali na cla di cuanto placa hendenan lo paga na sea e ex mandatario y of su hendenan rond di dje cu tabata cobra pa tereno cu nan tabata haya gratis.
Iregularidad a tuma luga den DIP segun nos fuente, hasta trahadonan tabata manipula cu documento pa yuda y tambe haya parti di e bolo. Nos ta vigilando e situacion aki di cerca mas cu tres trahado ta suspendi y ta na cas te ora cu e investigacion termina pa wak ki tur iregularidad a pasa cu terenonan di Aruba cu a keda bendi ultimo añanan den e Gobernacion anterior y mira con e proceso a tuma luga.