TAIPEI, Taiwan- Un teremoto di 6.4 grado a sacudi Taiwan, causando dos morto y mas di 140 herido, lagando decenas di persona atrapa.
E epicentro tabata localisa na 21 kilometer noordoost di e ciudad di Hualien y na un profundidad di 9,4 km, según e Servicio Geologico di Merca.
Un di e edificionan cu mas daña tabata e Hotel Tongshuai (Marshall) cu a colapsa, mientras cu e Hospital di Hualien (oost di Taiwan) a keda parcialemente inclina despues di e temblor. Esaki ta según datonan di Centro di Respuesta di Emergencia.
Ademas, varios edificio di e ciudad a keda cu basta daño, mescos cu algun infrastructura y ya a cuminsa e operacion di rescate.
E ultimo tres dia a registra mas di binti movimento di tera diario y e sismologico Lee Chyi – tyi, di e Universidad Central, el a sigura dialuna cu e isla a drenta den un ciclo sismico di shen aña.
Den siglo 20 a tuma luga dos teremoto di 8 grado di magnitud na Taiwan, uno na 1910 dilanti costa di Yilan y e otro na 1920 dilanti e litoral Hualien, tur dos na e parti oost di e isla.
Algun sismologico na Taiwan a considera probabel cu teremotonan a registra di magnitud 8 rond di Fosa Ryukyu, cu ta keda na 500 y 600 km leu di Hualien, aki 10 aña.
Fuente: https://www.infobae.com/