KOS – Por lo menos dos persona a fayece y varios otro a keda herida diabierna, ora cu e isla Griego di Kos a wordo sacudi pa un teremoto di magnitud 6,7, e alcalde George Kyritsis a bisa CNN Grecia.
E dos fayecidonan ta turista, di nacionalidad Sueco y Turco. Ademas tin 5 persona herida di gravedad.
E epicentro di e teremoto a situa solamente 16,2 kilometer noordoost di Kos, den lama entre Grecia y Turkia, segun Servicio Geologico di Merca.
Aproximadamente 200 mil persona na Grecia y Turkia a sinti e temblor di fuerte pa hopi fuerte, segun USGS. Un video di e isla di Kos ta mustra ruina riba caya y tiendanan destrosa.
E epicenter a registra cerca di e ciudad portuario Turco di Bodrum, un balneario popular entre turistanan stranhero y Turco. Tambe ta un importante punto di transito pa e imigrantenan y e refugiadonan cu ta purba di yega Europa. Bodrum ta mas of menos un 700 kilometer di Istambul y tambe di Ankara.
Por lo menos un dozijn di replica durante e tres oranan siguiente a sacudi e area despues di e teremoto inicial.
Fuente: www.cnnenespanol.com