Teheran, IRAN- Un terremoto de 6.1 riba e scala di Richter diaranson a sacudi e parti noordoost di Iran, cerca di e ciudad santo di Mashad. Esaki a laga dos persona morto y cuatro herida, segun television estatal.
E epicentro tabata situa cerca di e localidad di Sepidsang, na 80 km di Mashdad y cu’n profundidad di 10 km. Cuatro pueblo a wordo parcialmente destrui.
Ekiponan di rescate a wordo manda pa e zona pa yuda e habitantenan. Despues di e sismo a sigui casi binti replica relativamente fuerte.
E teremoto a wordo sinti mas fuerte na Mashdad, e di dos ciudad mas grandi di e pais. “E tabata horibel, bo a tende un zonido masha duro, tur cos tabata tembla”, segun un habitante di e pueblo.
Iran ta un pais cu ta wordo golpia pa teremotonan di intensidad fuerte, manera esun di December 2003 na Bam, cu a laga cerca di 31 mil persona morto y a destrui e ciudad casi completo.
Fuente: www.ntn24.com