SYDNEY, Australia – Un teremoto di magnitud superior na 7.5 a desata awe un alerta di tsunami na New Zealand y e prome gran ola a alcansa ya e costa nort di e Isla Sur, autoridadnan di proteccion civil a informa.
E olanan por alcansa amplia zonanan di e Isla Nort y di e Isla Sur, mescos cu e islanan Chatham, situa casi 900 kilometer oost den Pacifico, DPA a reporta.
Despues di e prome ola otronan por sigui y e prome no necesariamente e mas grandi. Defensa cifil a yama e residentenan na costa pa marcha na luganan di mayor altura.
“Bay den interior of riba terenonan mas eleva inmediatamente,” e comunicado a señala.
E alerta ta vigente pa henter e costa oriental di e Isla Norte y Isla Sur y pa e islanan Chatham.
E Centro geologico di Merca a cifra e magnitud di e teremoto, cu a sosode mey anochi riba 7.8 di e escala di Richter, mientras cu e centro geologico Aleman a papia di 7.9 y esun Neo Zelandes 7.5.
E teremoto, produci na un profundidad di 10 kilomter cu un epicentro nort di e ciudad di Christchurch, a provoca temblornan fuerte cu a wordo sinti na mas di 200 kilometer den e capital Wellington, mescoc cu na Taranaki, Hamilton y Auckland, den e isla Nort, segun medionan local.
Na e momentonan aki no tin informacion di morto of herido. Den medionan social ta apareciendo informacion riba dañonan fuerte. Un persona a conta riba Twitter cu su cas a disparce na Cheviot, segun Radio New Zealand.
Huespednan di hotelnan na Christchurch, den e centro di e pais y cerca di e epicentro, a wordo evacua y ta permanece den aire liber den e districto central di e ciudad.
Un vocero di Gobierno a bisa na e emisora cu nan ta monitoreando e situacion pero pa e mmento no a activa e centro di operacionnan di emergencia (EOC).
Un teremoto di magnitud 6.3 a golpia Christchurch duramente na 2011, lagando 185 morto y 100 mil vivienda gravemente daña.
Fuente: El Universal