HAPON – Un teremoto cu un magnitud preliminar di 7.3 a golpia nort di Hapon diamars, segun e Agencia meteorologico di Hapon, emitiendo avisonan di tsunami pa gran parti di e costa nort di Pacifico.
E epicentro di e teremoto, cu a wordo sinti na Tokio, tabata 61.7 kilometer di Namie y cerca di e costa di Fukushina na un profundidad di 10 kilometer, e agencia a bisa.
E teremoto a tuma luga pa 5’or y 59 di mainta y tabata tin un hipocentro na 10 kilometer di profundidad na e costa di Fukushima, mas of menos 200 kilometer di Tokio.
Segun medionan local, e aftershocknan cu a presenta durante e teremoto inicial tabata di magnitudnan di 5.4, 4.8 y 5.3. Asina e ultimo reportenan a indica.
E operacionnan di e centralnan nuclear a indica cu nan tabata observando dato den nan instalacionnan, entre nan esun di Fukushima Faiichi, unda a tuma luga un accidente nuclear tras di e tsunami di 2011.
Riba recomendacio di autoridadnan, a manda evacua e zonanan costero ya cu e reporte preliminar ta sigura cu e olanan di aproximadamente 3 meter, por golpia den e proximo minuutnan.
“Evacua inmediatamente e regionnan costero pa un luga sigur den zonanan halto of refugio. Ta spera cu e olganan golpia repetidamente,” e agencia meteorologico di Hapon a declara den un comunicado.
Di e manera aki a emiti un alerta di tsunami di menor altura pa e costanan di e Prefectura di Aomori, Iwate, Miyagi, Ibaraki y Chiba.
Segun e canal publico NHK, no a tuma luga ningun anomalia den e centralnan, caminda tur ta para den e region. “Si yega un tsunami, huy, avisa boso bisiña,” un periodista di e canal a declara.
Te na e momento no a registra herido ni dañonan material, excepto un incendio den un refineria, segun e television publico.
E servicionan di trein di oost di Hapon, a keda suspendi despues di e teremoto, sin cu a registra mayor incidente pa e momento debi na e temblor, e agencia Kyodo a informa.
Gobierno a habri un celula di crisis pa duna informacion y consigna na ekiponan di emergencia, municipio y su habitantenan.
Fuente: NTN24