ANTOFAGASTA, Chile – Un teremoto di 5.1 di magnitud a afecta dialuna e region di Antofagasta, nort di Chile, sin cu a informa di desgracianan personal of dañonan material.
Segun e Centro Sismologico Nacional di e Universidad di Chile, esaki a wordo sinti pa 2’or y 44 di marduga, cual epicentro tabata situa 31 kilometer oost di e ciudad di Calama y 1.564 kilometer nort di Santiago.
E hipocentro, en tanto, a keda localida na 105.1 kilometer di profundidad e informe a bisa.
Di su banda, e Oficina Nacional di Emergencia (ONEMI), dependiente di e Ministerio di Interior, a detaya cu e temblor a afecta seis ciudad den e norte Chileno, cu intensidadnan di entre II y IV grado, di e escala internacional di Mercalli, cu ta bay di I pa XII.
Chile, sinta riba e “Ring of Fire” di Pacifico, ta wordo considera un di e paisnan cu mas teremoto di e planeta.
Desde e poca di e colonia, e nacion austral di 17 miyon di habitante tabata tin por lo menos 80 teremoto, cu solamente den e ultimo 60 añanan a cuasa 40.733 morto.
Fuente: NTN24