CASAMICCIOLA TERME, Italia – Un teremoto cu un magnitud 3.6 a keda registra dialuna anochi den un popular luga turistico cerca di e volcan Ischia na Italia.
Segun imagennandifundi riba rednan social, algun edificio den e zona a resulta fuertemente daña como resultado di e temblor.
E movimiento telurico a tuma luga na un profundidad di 10 kilometer dilanti di e costa Italiano, bastante cerca di e ciudad di Napoli.
Prensa local a reporta cu den e municipio Casamicciola Terme, ubica riba e isla di Isquia, un edificio inhabita a cay den otro y un misa a resulta distrui. Den e comuna di Lacco Ameno, tambe a reporta daño di varios edificio, hasta den un hospital local.
E alcalde adhunto di e localidad a infora cu un persona a fayece como resultado di e temblor. Ademas, tin varios herido y desaparecido.
Di e manera aki, e temblor a provoca un blackout den e area di Napoli y evacuacionnan di varios hotel. Autoridadnan local a describi e efectonan di e temblor como “hopi fuerte.”
Fuente: https://actualidad.rt.com