AMATRICE, Italia – Un teremoto di magnitud 6.2 a sacudi Norcia, den centro di Italia, madruga di diaranson. E movimento telurico a wordo sinti den e capital, Roma.
Te na e momento, ta reporta 63 morto y dañonan severo, principalmente den e ciudad di Amatrice, unda cu varios edificio a cay den otro.
“E vianan di acceso y salida for di e ciudad, a wordo corta. Mita di e ciudad a disparce,” e alcalde di Amatrice, Sergio Pirezzi a bisa RAI.
Un ora despues di e teremoto tabata tin un aftershock di 5.5 na Norcia. Tambe el a tembla (4.6) na Amitrice, den e provincia di Rieti, den e region di Lacio, segun USGS.
Fuente: CNN en Español