E Aruba Short Film Festival a cuminsa na 2014 y e prome ganado tabata Darwin Winklaar kende ta studiando arte na Hulanda.
E prome edicion a conta cu un gran audiencia y tabata un exito rotundo.
Despues di algun luna por a mira algun di e miho filmnan na Telearuba varios biaha.
Aruba Short Film Festival ta un plataforma poderoso pa expone bo talento den film.
Na 2015 e magno evento aki a crece y a dividi e participantenan den 2 categoria cual ganadonan a resulta Gabriela Croes y Semi Chahmi.
Gabriela ta studiando film na Hulanda y Semi Chahmi ta conoci pa Chahmi Films y hopi mas.
Na 2016 a opta pa no dividi e participantenan den 2 categoria di edad.
Tur persona cu tin pregunta y kier manda nan shortfilm na Papiamento y bou di 20 min por manda esaki promer cu dia 1 di November 2016 na [email protected]
No lubida pone bo nomber completo, edad y number di telefon.
Manda nos tur nomber di persona cu ta concerni bo film riba un lista dus productor, director, actornan etc.
E gran anochi di gala di e ceremonia pa presentacion di premionan lo tuma luga na e mahestuoso Crystal Theater den Renaissance riba diabierna dia 27 di November 2016.