Polis di trafico dialuna pasa di 6:30 atardi a bay pa un accidente na altura di La Granja na Savaneta pero a constata cu ta un hit & run. E auto kibra a keda atras pero e tercel cu a dal a bandona e sitio. Pero un persona a sigui e tercel y a wak unda e chauffeur a sconde e auto y a raporta na Polis. Di biaha polis di trafico a presenta y topa cu e auto scondi tras di un cas pega cu mondi y e oficial no a topa cu ningun hende y a tuma e auto den beslag pa investigacion.