BUENOS AIRES, Argentina – E pueblo originaio tin un historia milenario di resistencia, cuminsando fo di e conkista Spaño di continente Americano y e bataya contra di companianan y doño di teranan di siglo 21. Actualmente, Argentino y Chilenonan ta cuestionan incluso su mesun identidad y nan no ta wordo reconoci pa casi niun hende.
Desde e yega di imperialismo Spaño e continente Americano, te dia di awe, e Mapuche y e generacion a sigui a logra sobrevivi. Sin embargo, pa compronde con nan a logra subsisti a traves di e siglonan contra di e conkista Europeo y despues, e confirmacion di Argentina y Chile como estadonan nacional, ta necesario compronde e composicion di e comunidadnan Indigenanan aki.
E diferencia di otro colectivonan social multitudinario unda cu e liderazgo ta bou di un solo persona, manera por ehempel, catolicismo ta cay bou di e papa, of un país democrático cu su respectivo presidente, canciller of prome minsiter, e pueblo Mapuche no tin un solo mando superior, pesey tabata imposibel su exterminio.
Segun calcuacionnan, na Argentina tin rond di 60 comunidad den e provincia di Neuquen, 120 na Rio Negro, 80 na Chubut y otro gruponan cu cantidadnan menor na Santa Cruz, La Pampa y provincia di Buenos Aires aunke cu e mayoria di nan ta biba den e ciudadnan grandi. Na cada banda di e Cordillera di Los Andes, tin dos miyon persona cu ta practica of ta sinti nan mes parti di e cultura Mapuche.
Fernando Jones Huala, ruman di Facundo cu ta un lider Mapuche cera desde 27 di Juni despues di un peticion di extradicion di Chile, ta den e capital di Argentina riba un sorto di mision diplomatico Indigena, den su caracater di vocero di e comunidad Pu Lof den resistencia di e departamento di Cushamen, provincia di Chubut, zuid di Argentina.
E escenario aki scondi, aleha di e desordo capitalin, a bira popular despues di e desaparicion forsozo di Santiago Maldonado, cu a wordo mira na bida ainda eynan, te cu un operativo gubernamental a drenta den e zona y a bay cu e hoben, cu desde e tempo ey ta desapareci.
E comunidad Mapuche ta desconfia di e institucionnan cu lo mester inspecciona e posesion di teranna den e pais Suramericano. “Na Chubut esun encarga di controla ta e Instituto Autárquico di Colonizacion y Fomento Rural, cu ta administra tur e teranan publico den e provincia.
Fuente: https://actualidad.rt.com