SEOUL, Sur Corea – Sur Corea a confirma cu e teremoto di 5 grado causa di forma artificial na Noord Corea, a coresponde na e di cinco prueba nuclear di e regimen di Kim Jong-un y a afirma cu e explosion tabata mas potente cu den e ocasionnan anterior.
“Nos ta evalua cu Noord Corea a ehecuta su mayor ensayo nuclear te cu e momento, ya cu lo a alcansa 10 kiloton, segun nos prome estimacionnan,” e Ministerio di Defensa di Seoul a indica.
Tras e anuncio di Seoul, medionan estatal di Noord Corea a confirma e hecho y a publica cu, “nos Cientificonan a ehecuta un detonacion di un arma nuclear di nuevo tipo na e luga di prueba nort di e pais. E partido a manda un mensahe di felicitacion pa e realisacion di e prueba exitoso.”
Di su parti, Cas Blauw di e presidencia a emiti un comunicado caminda cu tambe a confirma cu Noord Corea a haci su di cinco prueba nuclear.
E presidente Sur Coreano, Park Geun-hye, a condena “energicamente” e prueba nuclear, ya cu e ta supone un ‘violacion cla” di e resolucionnan di UNO y tambe un ‘acto di desafio contra e comunidad internacional, segun e comunicado.
Park, cu na e momentonan aki ta di bishita na Laos, a delanta cu Zuid Corea y a recuri na tur medio posibel pa oblig’e na renuncia e desaroyo di armanan nuclear.
Di su banda, Conseho di Siguridad Nacional Sur Coreano a convonca un reunion di urgencia pa analisa e situacion y busca medidanan di respuesta.
Na Tokyo, Conseho di Siguridad Nacional Hapones ya a conclui su reunion y tambe a confirma cu e teremoto na Noord Corea a wordo produci eriba e dia caminda cu e pais a celebra su di 68 aña di su fundacion.
Tras di e detonacion ta spera un fuerte reaccion di e comunidad internacional, alarma pa e rapido avanse den armamento nuclear y misil di e regimen di Kim Jong-un
Fuente: EFE y AFP