Tenista Patrik Sydow lo hunga dos torneo di clasificacion internacional

0
RBC Juli 2018
Funmiles-2018

Pa mas cu dos siman e tenista Patrick Sydow ta permanece den exterior debi na compromisonan internacional dn e deporte di tennis. E hoben Arubano a bay hunga dos torneo di ITF pa asina purba na obtene mas hopi punto cu ta posibel pacu su clasificacion pa e Youth Olympic Games na Buenos Aires, Argentina den luna di Oktober proximo. Na fin di Februari cuminsamento di Maart e hoben Sydow a hunga na El Salvador den e 4 ITF tournament. Mester bisa cu e den prome rond individual Sydow ta cay venci contra Johan Wilson 6 – 3 y 6 – 2 mientras den dobbel e ta yega te e kwart final, loke ta importante pa e obtene puntonan pa asina por clasifica pa e Weganan Olimpico Hubenil. Actualmente Patrick Sydow ta na Costa Rica unda e ta competi den e Costa Rica Bowl cual ta un grade 3 ITF tournament. Aki Patrick a hunga weganan di clasificacion y ta gana Andrew Mariados di Merca 6 – 3 y y 6 – 2, Rafaeal Grovas di Puerto Rico y 6 – 1 y 6 – 3 y Jackson Ross di Merca 6 – 3 y 6 – 2 pa drenta e main draw. Aki Patrick Sydow mester a hunga contra e nr 5 seed Jachuck di USA, unda e ta cay venci. Asina mes e hoben tenista Sydow por mira bek tras di un tremendo dos siman di torneo internacional. Awor e mester sigui traha duro pa yega na e meta final cual ta e clasificacion pa e Weganan Olimpico di Buenos Aires, Argentina.
Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e biahe di e tenista Patrick Syow pa su dos torneonan di clasficacion na El Salvador Costa Rica.
Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto Di Dia, Lotto 5, Mini Mega cu su Mega Plus y e weganan di Raspa Y Gana, bo ta contribui na deporte ribanos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba

Comments

comments

C: Heineken
new india