E Curaçao Open 2016 den e deporte di tennis tur aña ta uno grandi mirando e interes mundial cu tini. Varios tenistanan hoben rond mundo ta participana e torneo aki mescos cu ta e caso di TIHTA na Aruba. E torneo ta uno reconoci pa ITF den U18 y COTECC den U14. Aruba tambe a manda un delegacion di su miho tenistanan den e categorianan U-14 y U-18 esaki den masculino y femenino.
E hoben Kevin Yarzagaray kende recientemente a bishita un campo di entrenamento renombra na Florida tambe ta forma parti di e delegacion di Aruba den e Curaçao Open aki. Notabel ta cu den luna di Mei di 2016 e tenistanan Kyle Frankel, Patrick Sydow y Kevin Yarzagaray a wordo otorga e status di Elite Players basa riba nan resultado di 2015. Mester bisa cu nos atletanan di tennis ta prestando bon riba nivel internacional, sigur den nos region. Aña pasa nos tenistanan masculino incluyendo Kevin Yarzagaray a logra e titulo di campeon den e Junior Davis Cup.
Un danki sigur na Lotto, e Loteria di Aruba pa medio di Comision di Subsidio cu a duna su contribucion na e tenista elite hubenil Kevin Yarzagaray pa e por competi den e Curaçao Open Tennis Championship 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.