Diahuebs Conseho di Minister a dicidi di para e cobramento di sushi, cu lo mester a drenta na vigor dia 1 di juli ultimo. Minister di Medio Ambiente, Sr. Otmar Oduber ta splica e pakico a para esaki.
E decision a wordo tuma despues di a analisa e diferente ponencianan dilanti, a bin bek ariba e decision di dia 26 di juni, unda cu a pone 1 di juli, pa despues di 13 aña introduci di manera structura e entrada, cobransa pa loke ta recogemento y maneho di sushi na Aruba. Teniendo na cuenta e diferente ponencianan treci dilanti, a dicidi di postpone e ‘overgangsfase’ pa 6 luna, unda cu a palabra cu pa dia 1 di januari 2019, e tarifa nobo aki lo drenta na vigor.
MILIEUHEFFING
E mandatario a splica cu tabata tin un tarifa caba cu ta na vigor desde 2015, cual ta e tarifa di 27,50. Loke a palabra cu e 3 sindicatonan cu tabata opone e tarifanan aki for di 2015, niun otro sindicato di forma habri a bay contra e tarifanan aki. P’esey a sinta na mesa cu e tres nan aki. A palabra cu nan, cu e tarifa anterior, lo no wordo cobra bek na comunidad. A fiha 1 di juli como e fecha cu e tarifa nobo ta drenta na vigor. A bisa e momento ey, cu not a haya e cobransa di biaha, ya cu ta den proceso di pa loke ta trata e forma con e ta wordo cobra, mirando cu no ta cla ainda cu DIMP. Esaki ta relaciona cu a purba na diferente forma pa cobra esaki, den awa, coriente cu toch e ora ta haya mas eficiente pa haci esaki via belasting. A bisa tambe cu esaki ta un cobransa cu ta haya pa aña. Pa 2018 e lo tabata pa 6 luna, cu por pag’ e pa aña, pa luna of kwartaal. Ta keda na cada ken pa dicidi con nan ta pag’e. Cu e cambio aki, cu e lapso di tempo aki di 6 luna, esaki ta nifica cu gobierno lo no spaar e 5.4 miyon mas. E placa aki tin cu bay wordo uza, pa medio di subsidio di gobierno pa cu Serlimar.
DEFICIT PRESUPUESTARIO SERLIMAR
Parlamento a bisa cu kier a spaar esaki. Loke a tuma luga den presupuesto, a hinca un suma, mirando cu den ultimo añanan, Serlimar ta bisa gobierno cu e mester un cierto suma pa e por draai. Serlimar tur aña tabata tin deficit ariba nan presupuesto, cu a conduci na debenan, y ainda e debe t’ey. Mester sigui traha ariba dje. Den presupuesto tabata tin 17 miyon poni di 2017, presupuesto di pais Aruba. Siendo cu presupuesto di Serlimar ta bisa cu su gastonan ta cu 21 miyon. Den 2018 e gastonan a bira 22 miyon. A dicidi cu no ta corta den nan deficit y a pone e suma total. Den e presupuesto di Serlimar, e ta pone cu e ta bay cobra 5.4 miyon pa e aña aki. Door di no introduci e cobransa aki, gobierno lo haya tende despues di algun luna cu Serlimar lo a logra yega of no. Si esey ta e caso, lo mester bay parlamento bek, y bay busca e diferencia cu e deficit ta pa e aña aki. Den presupuesto di pais Aruba, niun caminda ta para cu e 5 miyon ta pa niun hende paga pa recoge sushi. Pero cu ta pa cubri e gastonan den e gastonan total di Serlimar, pa aña 2018. Den tur e añanan anterior, gobierno ta keda sin paga, por lo menos 4 pa 5 miyon. Pero aparentemente no tabata suficiente splica, pa cual a pidi un reunion publico, cu despues a keda cancela. Pero door cu a postpone e fecha di 1 di juli pa 1 di januari 2019, ta dunanan suficiente trankilidad pa cu e introduccion otro aña y no na e momentonan aki.
CAMBIONAN
Hopi hende ta keda ariba e punto di discussion cu si ta bay cobra pa algo cu no tabata wordo cobra antes, pero tin un ley cu tey pa 13 aña caba. Pero los di esaki, mester dicidi si kier resolve Parkietenbos, si of no. Niun caminda ta wordo discuti con por resolve Parkietenbos, con ta bay remedia Parkietenbos y con ta bay percura cu or abo remedia esaki, kico ta bay haci cu e sushi. Tur hende ta keda para ariba, cuanto tur hende ta bay paga, esey no mester ta e discussion. E discussion mester ta cu pa aki aña y mei, por cera parkietenbos. Y con ta atende cu e sushi.
Den e totalidad aki, tin un ley cu te ainda no ta wordo cumpli cun’e, door cu Serlimar no tabata por a ofrece un bon servicio ora cu el a wordo introduce. Pero aworaki si e por Brinda un bon servicio y sirbi pueblo manera cu mester ta. E tarifa ta un discussion di 13 aña.
Aworaki tin un overgangsfase, citando for di varios sindicato, cu tur ta kere cu e ta kere den un tarifa socialisa. Tur ta kere den un bedrag fiho, cu tabata e caso di e ultimo 4 añanan, pero no a funciona ya cu ni 10% no a paga. Aworaki esunnan cu tin un tiki mas miho manera, yuda no pa Serlimar haya placa pa recoge sushi, pero pa por yuda na un solucion definitivo di Parkietenbos y kico pa haci cu nos desperdicio. Serlimar ta mescos cu’n seguro, un AZV. Y con ta paga esaki? Pagando mas tanto.
Y esey ta e fenomeno di e heffing aki. Si bo tin entrada mas halto, bo tin un un poder di compra un tiki mas halto. Si ta baha of hisa e tarifa, pro discuti esaki. No ta trata di capricho, pero ta cuestion di tuma un decision. Cada hende ta zorg pa nan interes personal.