Pa Koningin Wilhelminafonds (KWF) sali riba caya pa tene su colecta anual, cual hopi biaha ta cay den luna di april y mey, nan ta busca un vergunning di polis cu ta respalda nan. Cu esaki nan tin e siguransa cu polis sa cu KWF e momento ey for di 10’or di mainta pa 4’or di atardi sigur, ta colectando.
Fuera di esey tin rekisito cu tin cu tene cuenta cu ne ora cu un persona kier bira boluntario pa por participa n’e colecta aki.
Durante un rueda di prensa dialuna mainta, Lilly Prince, presidente di KWF a splica e hobennan por participa pero nan mester ta den mavo 3 of 4, pasobra esunnan mas chikito no por tin nan ta colecta pasobra esey tambe tin cu tene cuenta segun e reglanan di polis.
Lelicia Tromp, vocero di KWF, a agrega cu e colectantnan tin nan uniform bisti. Por reconoce nan riba caya cu nan short cora bisti y nan colectebus shinishi. Asina por reconoce e personanan cu ta colecta riba caya pa KWF.
Nan lo tin diferente localidad clave cu nan ta para rond di e isla den tur bario, cual lo wordo anuncia despues.
Koningin Wilhelminafonds tin nan propio Facebook page y tambe nan website, caminda cu por mira nan diferente articulonan riba diferente tema cu ta regarda cancer y tambe cuido rond di esaki. Nan ta traha hopi cerca cu Wereld Kankeronderzoekfonds di Hulanda, cu tur aña ta coopera cu KWF specialmente riba dia internacional di cancer cu lo ta dia 4 di februari.
Asina ey nan ta haya delaster resultado pa loke ta e investigacionnan cu ta tuma luga riba cancer. Asina KWF ta traha cu diferente organisacion pa keda tene pueblo up to date di loke t’e ultimo desaroyonan riba e enfermedad aki.