Juendel Sprok presidente di FADA a comenta den un entrevista cu nan ta cla pa start sali cu campañanan pa 2019, unda lo bay bin basta fuerte cu e campaña amigo didi. Nos sa cu pa nos cultura e ta algo cu lo tuma tempo pero nos ta trahando duro pa logra e hendenan bira mas consciente ora nan consumi alcohol no bay tras di stuur.
Den temporada di carnaval e campaña aki ta bay ta mas intensivo hunto cu Cuerpo Policial, Departamento salud cu ta e partner strategico y minsterio di salubridad, esaki lo haci cu e parti di amigo DIDI lo bay wordo mas mira durante carnaval.
Nos a ripara cu den e ultimo temponan aki nos hobennan ta consumi e pilder Xtc y of molly e nomber a cambia constantemente, manera ora bo bay scol bo ta compronde nomber a cambia.
E droganan mas peligroso cu nos sa di dje y bo papia cu cualkier adicto nan ta bisabo cu ta e alcohol y marihuana cu ta wordo usa hunto y esaki ta haci su efectonan.
Sr. Juendel Sprok di FADA a bisa e retonan pa 2019 lo bay ta grandi awor cu a haya mas fondo y lo bay conoce mas trahado preventivo, y lo bay ta mas cerca di hobennan pa controla nan mes pa no drenta depresividad pa bay usa droga.