Temporada di BMX tambe a start riba circuito di Streetwise na San Nicolas

Den e weekend tras di lomba e pista di bike cross di Streetwise na San Nicolas tabata cas di e asina yama “Back to School Challange 2016”. Ya for di diabierna a cuminsa cu e diferente training y warm up mientras diasabra atardi a inicia cu e caredanan den e diferente categorianan. A core den e categorianan di dama 9 aña y menos, 10 – 13 y 14 aña pariba, cabayero 6 aña y menos, 7 – 8, 9 – 10, 11 – 12, 13 – 14, 15 – 16, 17 aña pariba, Elite y strider 4 aña y menos, Open Class.
Mester bisa cu e acogida tabata grandi cu hopi coredonan cu pa prome biaha a bin cera conoci cu e deporte di BMX. Mas cu claro nos por a presencia nos coredonan Elite tambe den accion.
Pa varios aña e deporte di BMX ta un di nos top representantenan den competencianan internacional renombra y cada bes a sa na cara di nos bandera. Ya pa algun aña nos ta competi mey mey di e grandinan den e top mundial di BMX. E rumannan Zaythiel y Ziquion Soekandar, e hobennan Feddison Flanders y Aschwin Dabian y nos coredo femenino Shanayah Howell. Mas cu claro no por lubida e contribucion di Bryan Elizabeth y Jobert Reyes como nos top coredonan di algun aña atras.
Un danki sigur na Lotto, e Loteria di Aruba pa medio di Comision di Subsidio a subsidia e caredanan organisa pa e federacion di ciclismo, AWB di cual e deporte di BMX tambe ta forma parti di dje.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comments

comments