Tempo pa Click ta bay cuminsa na Juli cu su di tres workshop di fotografia. E tema aña aki ta Bunitesa’. E programma di TPC ta yena cu actividad social y cultural. Bo no ta siña solamente con pa saca potret cu un camara digital, pero tambe bo lo haya workshop di artistanan local cu ta siña bo con pa express bo mes den un manera creativo. Traha obra di man y usa bo mente artistico. Usa e Bario di Rancho of otro barionan como inspiracion.
Bo tin un camara digital y kier participa? Participacion ta costa solamente 35,- Afl. pa persona.
Inscribi pa e workshop di Tempo pa Click ta facil. Manda nos un message cu bo number y edad na:
facebook/tempo pa click (online) of pasa na Centro di actividad Rancho y inscribi di biaha. Fecha di Workshop:
Grupo 1: 8 pa 13 aña (10 – 21 Juli)
Grupo 2: 13 pa 18 aña (24 Juli – 4 Augustus)
Grupo 3: 18+ (7 – 18 Augustus)
Tempo pa Click ta un proyecto di arte cu ta inclui fotografia, poesia y musica. E proposito di Tempo pa Click ta pa duna abo, e participante, e oportunidad pa conoce bo bario y e importancia di conoce bo herencia cultural y historico. Ademas, e proyecto ta promove expresion den forma di fotografia, musica y poesia. Tempo pa Click ta un proyecto di arte cu ta inclui fotografia, poesia y musica.
Durante un (2) siman abo como participante lo sigui curso di fotografia, con pa skirbi poesia, y tambe les di musica den un ambiente divertido y interactivo. Na final di e proyecto, tur participante tin oportunidad di expone nan potret den un exposicion publico.