PYONGYANG, Noord- Korea- E organisacion di tratado di prohibicion Total di Pruebanan Nuclear (CTBTO) a confirma cu e actividad sismico registra diasabra na Noord- Korea ta debi na movimentonan tectonico y no door di un ensayo nuclear.
“A keda confirma cu ta trata di un origen tectonico y no produci door di e hende”, segun e secretario ehecutivo di CTBTO, Lassina Zerbo.
E experto di e organismo di ONU, tin stationnan sismografico rond mundo, ya caba a indica cu ta improbable cu e temblor, di 3,5 grado riba e scala di Richter, lo ta debi na un ensayo nuclear.
Zerbo a splica cu e “eventonan sismico” detecta diasabra por ta replica di e ultimo ensayo nuclear di e regimen di Kim Jong- un realisa dia 3 di September ultimo cu a desata un temblor di 6,3 grado riba e scala di Richter.
Fuente: http://www.latercera.com/