Internacional: Un temblor di magnitud di 7.7 a wordo registra na Myanmar, cerca di e ciudad di Mandalay, cu temblornan sinti na Thailand y China. Na Myanmar, unda tambe a sosode un retroceso fuerte di magnitud 6.4, por lo menos 144 persona ta morto y mas di 730 herida, segun e hefe di gobierno militar di e pais.
Edificionan a cay den otro na Bangkok: E temblor a causa cu edificionan a cay den otro centenares di kilometer leu na Thailand. Por lo menos tres persona a muri den e capital di e nation, y autoridad nan ta core pa libera 81 persona cu ta kere ta atrapa bou di e escombronan di un edificio halto den construccion den e stad, oficial nan a bisa.
Contesta na calamidad nan stroba: Myanmar, un di e nacion nan mas pober di Asia, ta pasando door di un guera civil causa pa un golpi di estado militar na 2021. Infrastructura debil ta strob’e di trata cu calamidad nan natural grandi. Gran parti di e pais ta wordo goberna pa un patchwork di milisia, haciendo esaki sumamente dificil pa recohe informacion confiabel. Ademas, regularmente e ehercito ta corta comunicacion den zonanan di conflicto.
