LOMBOK, Indonesia- E teremoto riba e isla Indones di Lombok a costa bida di 32 persona. E sismo tabata tin un magnitud di 7.0. Siman pasa caba tabata tin un temblor di magnitud di 6,4.
Coriente den e capital Mataram a cay afo y e cupula di e gran meskita a keda di schuins.
Posiblemente e cantidad di morto lo aumenta. Door cu coriente a cay afo ta dificil pa calcula si tin mas victima, segun e hefe di distrito di Noord- Lombok, na un canal di television local.
Door di e teremoto pa un rato tabata tin un aviso di tusnami. Esaki a wordo cancela despues di un ora y mei.
Segun e servicio geologico di Merca e teremoto a tuma luga den e parti noordoost di Lombok, na 10 km di profundidad. Despues di esaki tabata tin un afterschok di 4,9.