Internacional: Un temblor di 7.2 magnitud a asota banda di e costa oost di e peninsula di Camchatka di Russia cu un advertencia di tsunami emiti.
E temblor a keda registra na un profundidad di alrededor di 51km (32 miya), e Sentro Sismologico Mediteraneo Europeo a bisa. E Centro Nacional di Alerta di Tsunami di Merca a bisa cu tabatin un menasa di tsunami door di e temblor.
E advertencia di tsunami a bisa cu olanan te cu un meter riba nivel di marea tabata posibel pa algun area costero na Rusia pero a agrega cu e impactonan probablemente lo ta limita. Na 1952, e area a sufri un temblor di 9 magnitud cu segun nan a causa un tsunami grandi.
Volcan a explota na Rusia despues di un temblor di magnitud 7.0, mandando nubia di shinishi 5 miya halto
E volcan Shiveluch di Russia a erupta despues di un temblor di magnitud 7.0 cu a dal e costa oost di e pais, segun e medionan di comunicacion estatal TASS.
“Segun evaluacionnan visual, e columna di shinishi ta subiendo te cu 8 kilometer (5 miya) riba e nivel di lama,” TASS a informa diadomingo mainta ora local, agregando cu e volcan a saca un racha di lava.
No tin informe di hende herida, TASS a bisa.
E volcan Shiveluch ta alrededor di 280 miya for di Petropavlovsk-Kamchatsky, un stad costal cu un poblacion di mas o menos 181.000 cu ta situa den e region oost di Rusia di Camchatka.
Di acuerdo cu e Servicio Geologico di Merca (USGS), e epicentro di e temblor tabata mas o menos 55 miya for di Petropavlovsk-Kamchatsky y tabatin un profundidad di mas o menos 30 miya.
No a causa “daño grandi” door di e temblor, TASS a informa, sinembargo, “edificionan ta wordo examina awor pa daño potencial, cu atencion special paga na factibilidad social.”
E Ministerio di Emergencia Ruso no a emiti un advertencia di tsunami debi na e temblor, TASS a informa.
Mas prome, e Sistema di Advertencia di Tsunami di Merca a adverti cu “olanan peligroso di tsunami for di e temblor aki ta posibel denter di 300km [mas o menos 186 miya] di e epicentro canto di e costanan di Rusia.”
