JUNEAU, Alaska- Un temblor di 8.2 grado di magnitud riba e scala di Richter a sacudi e isla Kodiak, na Alaska. Esaki a provoca un alerta di tsunami cu ta afecta e zona aki di Pacifico, segun e US Geological Center a informa.(USGS).
E temblor a tuma luga pa 09.31 (GMT) y su epicentro tabata localisa na 278 km zuidoost di e ciudad di Kodiak, na e isla di e mesun nomber, na solamente 10 km di profundidad.
E sismo fuerte aki a motiva un alerta di tsunami, emiti pa e Centro di Alerta di Tsunami di Pacifico (PTWC) pa e costanan di Alaska, como tambe pa e costa Canades di Pacifico.
PTWC a pidi pa e personana cu ta den e areanan afecta pa e alerta pa busca zonanan halta y pa aleha for di e costanan, unda cu lo por tin inundacionnan compaña pa corientenan fuerte, cu ta risico pa boto y barconan.
E alerta di tsunami ta keda activo na e costanan di Alaska y e provincianan Canades di British Columbia, mietras cu ta existi un aviso modera en otro zonanan, manera costanan di Hawaii y costanan Mericano te na e frontera cu Mexico.
Fuente: http://www.elpais.com.co/