LIMA, Peru – Un sismo di magnitud 8 a keda registra diadomingo den e zona noord di Peru y a wordo sinti den casi henter e pais, cual a laga un persona morto y dañonan material considerabel, door di e gran profundidad di su epicentro, autoridadnan a informa.
E Servicio Geologico di Merca (USGS) a informa en un prome informe cu e movimento a tuma luga na un profundidad di 110 km y su epicentro tabata ubica na 81 km zuid di e localidad di Lagunas, den e region amazonico di Loreto.
E hefe di e Instituto Geofisico di Peru (IGP), Hernan Talavera, a bisa na e radioemisora RPP cu e sismo a genera e corte di energia electrico den e ciudad di Iquitos y Tarapoto, mientra cu a reporta daño y caida di algun muraya di viviendanan precario den algun zona.
Talavera a informa tambe di un replica di 4.9 cual a keda registra pa 5 or y 14 (ora di Peru), tres ora despues di cu e naciona Andino aki a wordo sacudi pa e temblor di mas fuerte di e aña aki.
Peru ta ubica den e asina yama Pacific Fire Belt, unda cu ta registra mas o menos 85% di e actividad sismico mundial.