Un temblor fuerte di 8.2 di magnitud a sacudi costa di Alaska, segun datonan preliminar di Servicio Geologico di Merca (USGS, pa su abreviacion na Ingles), y tabata esun di mas fuerte desde 1964. E evento a genera un alerta di tsunami, cu a wordo cancela algun ora despues.
E temblor aki tabata situa na 91 km (56 miya) na zuidoost di Perryville, Alaska, y a sosode rona di 10.15 di diaranson anochi.
Na 46,7 km di profundidad (29 miya), e temblor tabata poco profundo. E temblornan di e caracteristicanan ey tin un profundidad d entre 0 y 70 km. A sinti e fenomeno aki riba henter e peninsula di Alaska y Kodiak, segun Alaska Earthquake Center.
Despues di e sismo, tabatin al menos dos replica fuerte, incluyendo un di magnitud preliminar di 6.2 y otro di 5.6 di magnitud.
#BREAKING : 8.2 strong #earthquake rocks the coast of #alaska. #tsunami warning. This is the strngst #earthquake after 2018. Pray for the people of Alaska. Stay strong. Prayer🙏🙏 pic.twitter.com/qDLZwo1xu1
— cheikaba h (@CheikabaH) July 29, 2021
Despues di e sismo a saca un alerta di tsunami di parti di e estado, cu algun ora despues a wordo desactiva. E organisacion concerni a informa cu e temblor a genera un tsunami pero despues no tabata forma un menasa mas.
Despues di e alerta di tsunami, polis di Kodial, e ciudad mas grandi di e isla Kodial, a conseha e residentenan pa subi na un tereno mas halto y a agrega cu e scol secundario tabata habri como luga di evacuacion.
Kodiak ta situa cerca di e extremo noordoost di e isla Kodiak, cu ta e isla mas grandi di Alaska y e di dos isla mas grandi di Merca.
BREAKING: Tsunami sirens sound in Kodiak, Alaska after a major magnitude 8.2 earthquake struck off the coast; risk being evaluated for the Pacific pic.twitter.com/YfbsaS6ZNX
— BNO News (@BNONews) July 29, 2021
Tambe a emiti un alerta di tsunami pa Hawaii, pero despues a cancela esaki. “Segun tur e datonan disponibel, no tin menasa di tsunami,” e Centro di Alerta di Tsunami di Pacifico di Servicio Meteorologico Nacional a informa.