JAKARTA, Indonesia- Un fuerte teremoto di magnitud 7.3 diadomingo a sacudi e isla Indones di Halmahera, den e provincia di Molukken, segun e Servicio Geologico di Merca (USGS).
E teremoto a tuma luga na 102 km noordoost di e ciudad di Laiwui. E epicentro di e movimento telurico a keda localisa na 10 km di profundidad.
Poco despues, den e mesun zona a registra otro dos temblro mas, di magnitud 5,2 cada uno. E profundidad di esakinan tambe tabata di 10 km.
Despues di e temblor inicial a sigui 8 replica di magnitud entre 4,9 y 5,8.
No tin informe di daño material of victimanan. Tampoco a genera un alerta di tsunami.
Debi na su posicion den e asina yama Faha di Candela (Fire Belt) di Pacifico, cu ta situa riba varios placa tectonico den permanente friccion, e pais Asiatico aki ta sufri frecuentemente di actividadnan telurico y volcanico.
Den e ultimo simannan e actividadnan sismico a aumenta ariba full e Fire Belt y California tambe a experimenta mas di 200 temblor.