CIUDAD DE MEXICO, Mexico- Un sismo di magnitud 7.2 a sacudi Mexico diabierna, segun reportenan di e US Geological Center (USGS). E alarmanan sismico a activa pa varios minuut den e capital di Mexico y testigonan a indica cu varios ta e edificionan cu a wordo violentamente sacudi. E epicentro tabata situa den e estado di Oaxaca, na 17 km oost-zuidoost di Pinotepa Nacional y na 145,5 km west- zuidwest di Oaxaca.
Ademas di na Ciudad de Mexico, e temblor a wordo sinti den otro 10 ciudad E area aki ya caba ta severamente despues di e teremoto di magnitud 7.1 cu a tuma luga na September pasa, cu a causa dañonan grandi, unda cu segun calculonan 286 persona a perde nan bida y decena di edificionan a colapsa lagando hopi atrapa den e ruinanan.
Presidente Enrique Peña Nieto a sigura ariba su cuenta di Twitter cu debi na e temblor di magnitud preliminar di 7, na 8 km nooroost di Pinotepa Nacional, Oaxaca, e protocolnan di e Sistema Nacional di Proteccion Civil”.
“Estadonan di Oaxaca, Chiapas, Michoacán, Puebla y Ciudad de Mexico ta siguiende e protocolnan di revision y monitor, cu no ta informa di cualkier daño”, segun e coordinador nacional di Proteccion Civil di e Secretariado di Gobernacion, Luis Felipe Puente.
No ta spera activacion di tsunami den costanan Mexicano.
Fuente: https://www.univision.com; http://www.ntn24.com/