JIUZHAIGOU, China- Diamars den e reserva natural di Jiuzhaigou, ubica den e zuid-oost di e provincia Chines di Sichuan (centro di e pais), un teremoto di magnitud di 7 grado a keda registra cu e datonan di e Centro di Rednan Sismologico di China. Di otro banda, e servicio Geologico di Merca (USGS na Ingles) a rebaha e magnitud te na 6.5 grado y a indica cu e epicentro di e sismo a wordo localisa na 9 kilometer di profundidad.
E corant Chines “People’s Daily” a indica riba su cuenta di Twitter cu al menos cinco turista a muri, mas di 60 persona a resulta herida y mas di 100 ainda ta pega na Jiuzhaigou. E Cadena Global di Television di China (CGTN na Ingles) a precisa cu ta trata aki di 63 herido.
No obstante, e Comision Nacional pa e Reduccion di Desastr di China a alerta cu e cantidad di victimanan y e nivel di devastacion lo por bira mucho mas halto. Di mes manera, e ta calcula cu por lo menos 100 persona a muri y mas di 130 mil vivienda lo por a sufri daño,
Despues di e sismo ainda por sinti mas di 100 replica y e temblornan a wordo sinti den e capital di e provincia, Chengdu. Autoridadnan di rescate ta na e sitio pa trabaonan di evacuacion.
Fuente: https://actualidad.rt.com