Internacional: Diahuebs anochi pa 9:50pm ora local di Aruba, na Chile un temblor di magnitud 7.3 a sacudi e pais cu tabata 24.0 km leu di e ciudad Chileno na San Pedro. E temblor tabatin un profundidad di mas cu 123km bou tera y asina mes a keda sinti.
Presidente Gabriel Boric a anuncia cu el a tuma contacto cu e delegado regional y “te awor no tin informe di lesion of daño grandi, pero e ekiponan ta recoge informacion.” Despues el a actualisa, segun e autoridad local, no tin problema di conectividad na Antofagasta.
E autoridadnan lo reuni na e momento aki den un Cogrid pa analisa e situacion, mientras cu SHOA a descarta e riesgo di un tsunami pa e costanan di Chile. E temblor a wordo sinti tambe na Tacna, Peru.
