TOKIO, Japon- Un temblor di magnitud 6,7, segun e agencia di meteorologia Japones, a tuma luga diamars anochi (ora di Japon) dilanti di e provincia di Yamagata, noordwest di Japon. Esaki a pone cu autoridadnan a lansa un alerta di tsunami.
E agencia AFP a informa cu e magnitud tabata di 6,4 segun e Instituto di Geofisica di Merca (USGS).
Ta spera olanan di un meter den un parti di e costa noordwest di e isla di Honshu, e isla mas grandi di e archipielago Nipon), dilanti di e provincianan di Yamagata, Niigata y Ishikawa, segun calculonan di e Agencia Nacional di e Meteorológico.
“Por a sinti temblornan berdaderamente fuerte”, un comentarista di e canal publico NHK, cu di biaha a corta su programacion regular pa difundi informacionnan di e temblor, cu a wordo sinti ariba un gran parti Honshu, incluyendo e capital Tokio.
Ainda ta fresco den memoria di teribel tsunami di dia 11 di maart 2011 cu, despues di e teremoto di magnitud 9, a mata 18500 persona y a provoca e accidente nuclear di Fukushima.